Texnologiya / Avadanlıq

Ürək-damar müdaxilələrinin dəqiqliyi və təhlükəsizliyi istifadə olunan texniki şərait, görüntüləmə imkanları və komandanın koordinasiyalı işi ilə sıx bağlıdır. Mərkəzimiz diaqnostikadan invaziv müalicəyə və prosedur sonrası nəzarətə qədər prosesin bir məkanda təşkil olunması üçün qurulub.

Kateterizasiya laboratoriyası

İnvaziv kardiologiya və invaziv radiologiya müdaxilələri — koronar angioqrafiya, stentləmə və digər minimal-invaziv prosedurlar — görüntüləmə nəzarəti altında aparılır.

Bu yanaşma bir çox hallarda kiçik kəsiklərlə müdaxiləyə, daha az travmatik prosedur icrasına və bərpa prosesinin daha rahat keçməsinə şərait yarada bilər.

Diaqnostika imkanları

Mərkəzdə ürək-damar xəstəliklərinin qiymətləndirilməsi üçün müxtəlif diaqnostik imkanlardan istifadə olunur:

• Elektrokardioqrafiya (EKQ) və Holter monitorinqi
• Stress test (yük altında EKQ)
• Exokardioqrafiya — ürəyin ultrasəs müayinəsi
• Doppler damar müayinəsi
• Laborator diaqnostika

İntensiv nəzarət

Kritik hallarda və prosedur sonrası dövrdə pasiyentlər reanimasiya və intensiv terapiya şəraitində müşahidə oluna bilər. Bu mərhələdə həyati göstəricilərin izlənilməsi, pasiyentin vəziyyətinə uyğun tibbi nəzarət və ehtiyac yarandıqda təcili müdaxilə imkanları təmin edilir.